Махсус имкониятлар
Нуробод туманида қурилган, қуввати 100 мегаваттга тенг бўлган йирик қуёш фотоэлектр станцияси жорий йилнинг 24 май куни Ўзбекистоннинг ягона электр тармоғига қувват узатишни бошлади.
Нуробод тумани ҳокими С.Бердиқулов қуёш фотоэлектр станциясида амалга оширилаётган ишлар билан яқиндан танишди.
Ушбу электр станция йилига 260 миллион киловатт-соат электр энергия ишлаб чиқариб, 80 мингдан ортиқ хонадонни электр энергияси билан таъминлайди.
Шунингдек, станция ишга туширилиши натижасида йилига 78 миллион куб метр табиий газ тежалишига эришилади ҳамда атмосферага 100 минг тонна зарарли чиқиндиларнинг чиқиши олди олинади.
Аҳамиятлиси, қурилиш давомида 400 нафар ишчи-ходимлар фаолият юритган бўлса, лойиҳа ишга тушиши натижасида 25 та янги иш ўрни яратилди.
