Аввал хабар берганимиздек, бугун Нуробод тумани ҳокими С.Бердиқулов Саҳоба маҳалласида бўлиб, маҳалладаги ижтимоий соҳа объектларининг қиш мавсумига тайёргарлик ҳолати, ўқувчи-ёшлар учун яратилган шарт-шароитлар, ҳудудда амалга оширилаётган ободонлаштириш-бунёдкорлик ишлари билан яқин танишди.
Маҳалладаги 43-сон умумтаълим мактабининг қўшимча биноси қурилиш-монтаж ишлари аҳволи, моддий-техник базаси ва иситиш тизимидаги муаммолар ўрганилиб, камчиликларни бартараф этиш чора-тадбирлари белгиланди.
Туман раҳбари Саҳоба оилавий шифокорлик пунктида амалга оширилаётган қурилиш ва реконструкция ишлари, тиббий хизматдан фойдаланувчи ва ётиб даволанувчилар учун яратилётган шарт-шароитларни кўздан кечирди.
Шу билан бирга маҳалла биносини қурилиш-таъмирлаш ишлари ўрганилиб, амалга оширилаётган қурилиш-бунёдкорлик ишларининг сифатини назорат қилиш бўйича ўз таклиф ва кўрсатмаларини бериб ўтди.