Нуробод тумани ҳокими Ф.Заиров раҳбарлигида хотин-қизларнинг ижтимоий аҳволини яхшилашга қаратилган йиғилиш бўлиб ўтди

Бугун Нуробод тумани ҳокими Ф.Заиров раҳбарлигида хотин-қизларнинг муаммоларини ўрганиш ва ҳал этиш, уларни моддий ва маънавий қўллаб-қувватлашга қаратилган йиғилиш бўлиб ўтди.

Йиғилишда туман раҳбари томонидан хотин-қизларнинг ижтимоий аҳволини яхшилаш, бандлигини таъминлаш, даромадларини кўпайтириш, муаммоларини ўрганиш, моддий ва маънавий қўллаб-қувватлаш борасида аниқ чора-тадбирлар асосида иш тутиш зарурлиги таъкидланиб, туман Маҳалла ва оилани қўллаб-қувватлаш бўлими мутасаддиларига, маҳалла фуқаролар йиғини раисининг оила, хотин-қизлар ва ижтимоий-маънавий масалалар бўйича ўринбосарларига тумандаги хотин-қизларнинг ижтимоий аҳволини яхшилаш бўйича аниқ кўрсатма ва топшириқлар берилди.