Bugun Nurobod tumani Yoshlar markazida tuman hokimi  S.Berdiqulovning tuman fuqarolari uchun navbatdagi qabuli bo‘lib o‘tdi.

Unda  Xalq qabulxonasi, tumandagi korxona va tashkilotlar rahbarlari hamda fuqarolar ishtirok etishdi.

Qabul davomida fuqarolar tomonidan 30 ga yaqin murojaatlar yo‘llandi.

Murojaatlar asosan kadastr, elektr energiyasi, tabiiy gaz, toza ichimlik suvi, bandlikni ta'minlash,  turli moddiy yordamlar olish va tibbiyot kabi masalalar yuzasidan bo‘ldi.

Har bir murojaat atroflicha tahlil qilinib, muammolarni qisqa fursatlarda, ijobiy hal etish yuzasidan mas'ullarga tegishli ko‘rsatma va topshiriqlar berildi.