15-Iyul sanasidan yurtimizdagi OTMlarda o'qishni ko'chirish (perevod) jarayonlari boshlangan.

O'qishni ko'chirish uchun arizalar qabuli 5-avgustga qadar davom etadi.

Arizalar quyidagi 2 ta platforma orqali qabul qilinadi:

transfer.edu.uz sayti orqali davlat OTMning biridan boshqasiga;

my.uzbmb.uz sayti orqali xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

O'zbekistondagi bir OTMdan boshqasiga ko'chirish uchun esa faqat 2 ta toifa talabalarga ruxsat bor:

Talaba turmushga chiqsa, turmush o'rtog'ining yashash joyidagi OTMga;

Davlat xizmatchisining ish joyi o'zgarganda farzandi yoki turmush o'rtog'i tegishli rahbar tavsiyanomasi bilan o'qishini ko'chirishi mumkin.

Shuningdek, O'zbekistonning o'zidagi xorijiy va xususiy OTM talabalari o'qishlarini davlat OTMlariga ko'chirish uchun imtihon topshirishlari kerak bo'ladi.