O‘zbekiston Respublikasi Prezidentining “Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida” gi Farmoni e’lon qilindi. 
 
Farmonga muvofiq, yurtimizda sog‘liqni saqlash tizimi rivojiga qo‘shgan hissasi, sohadagi islohotlar va muhim dasturlarning hayotga muvaffaqiyatli tatbiq etilishi, aholiga ko‘rsatilayotgan tibbiy xizmatlar sifatini oshirish yo‘lidagi xizmatlari, jamiyatda sog‘lom turmush tarzini targ‘ib qilishdagi faol ishtiroki uchun bir guruh tibbiyot sohasi fidoyilari turli darajadagi orden va medallar bilan mukofotlandi. 
 
Quvonarlisi, ular orasida O‘zbekiston xalq tabobati assotsatsiyasi a’zosi, Nurobodlik morboz Alisher Yormatovning soha rivoji yo‘lida amalga oshirgan uzoq yillik  fidokorona xizmatlari munosib e’tirof etilib, “Shuhrat” medali bilan taqdirlandi. 
 
Nurobod tumani hokimligi A.Yormatovni ushbu yuksak mukofot bilan qutlab, kelgusidagi faoliyatida ham omad va muvaffaqiyatlar bardavomligini tilaydi.