Nurobod tumanida o'simliklar kasalliklarini barvaqt aniqlash, tarqalishining oldini olish, ularga qarshi ommaviy kurash ishlarini tashkillashtirish va fitosanitar xavfsizlikni ta’minlash maqsadida O‘simliklar karantini davlat inspektsiyasi tuman bo‘limi tomonidan bir qator ishlar amalga oshirilmoqda.

Jumladan, bugun inspeksiya inspektorlari nazorati ostida tumandagi barcha tashkilot va muassasalarda, katta yo‘l bo‘ylari va xiyobonlardagi  hamda boshqa yashil maydonlarda parvarish qilinayotgan manzarali daraxtlar va butalarga zarar yetkazishi mumkin bo'lgan archa unsimon qurtiga qarshi ommaviy kurash tadbirlari o‘tkazilmoqda.

Bundan tashqari hududlar bo‘ylab keng jamoatchilik orasida archa unsimon qurti zararkunandasining ikkinchi avlod ko‘payish bosqichiga o‘tganligi to‘g‘risida ma’lumot berilib, unga qarshi kurashish va saqlanish usullari to‘g‘risida targ‘ibot-tashviqot ishlari amalga oshirilmoqda.