Nurobod tumanida kuz-qish mavsumiga mukammal tayyorgarlik ko'rish hamda mavsumni betalafot o'tkazish borasida tegishli chora-tadbirlar amalga oshirib kelinmoqda.

Xususan, tuman hokimligida kommunal xizmatlar, elektr energiyasi, tabiiy gaz, ichimlik suvi  ta'minoti va boshqa sohalarda vujudga kelgan muammolarni o‘z vaqtida bartaraf etish maqsadida uzluksiz navbatchilik shtabi tashkil etilgan.

Bugun ushbu "kuz-qish mavsumi shtabi" da tuman hokimi S.Berdiqulov rahbarligida muhokama yig'ilishi o'tkazilib, shtab faoliyati tahlil etildi hamda yuzaga kelishi mumkin bo'lgan muammolarning oldini  olish, aholi murojaatlari bilan ishlash samaradorligini oshirish yuzasidan mas'ullarga kerakli topshiriq va vazifalar berildi.