Bugun Nurobod tumani Grand Almaz bazmgohida "11-Noyabr – Kasaba uyushmalari kuni" munosabati bilan bayram tadbiri tashkil etildi.

Tadbirda O‘zbekiston ta'lim va fan xodimlari kasaba uyushmasi Respublika Kengashining Samarqand viloyati bo‘yicha mas'ul tashkilotchisi I.Raximov, tuman hokimi o'rinbosari R.Ibragimov, O‘zbekiston kasaba uyushmalari Federatsiyasi tuman bo'limi mas'ullari, hamkor idora va tashkilotlar vakillari, nuroniylar va mehnat faxriylari, kasaba uyushma faollari hamda turli sohalarda faoliyat olib borayotgan mehnatkashlar ishtirok etdilar.

Bayram tadbiri davomida vatanimiz taraqqiyoti va rivoji yo‘lida astoydil xizmat qilayotgan, mehnatkashlarning ijtimoiy-iqtisodiy huquq va manfaatlarini himoya qilish, kasaba uyushmalari nufuzini oshirishga munosib hissa qo‘shayotgan bir guruh yurtdoshlarimiz tashakkurnoma va qimmatbaho esdalik sovg'alari bilan taqdirlandi.