Hurmatli Nurobodliklar va tumanimiz mehmonlari! Joriy yilning 22-iyun kuni Nurobod tumanida “Biz bir bo‘lsak – yagona xalqmiz, birlashsak – Vatanmiz!” shiori ostida Ma'naviyat festivali bo‘lib o‘tadi! Festival doirasida bir qator madaniy-ma'rifiy tadbirlar, adabiy uchrashuvlar, ijodiy chiqishlar va turli viktorinalar o'tkaziladi. Jumladan: - " Uch avlod uchrashuvi"; - “Ma’rifatli oila”; - " Inson qadri"; - “Oila – ma’naviyat qo‘rg‘oni”; - "Zukko bolajon"; - “Mehr-muruvvat va saxovat uchun” loyihalari; - "Vatan madhi" mavzusida ijodiy va adabiy chiqishlar; - "Hunarmandlar va tasviriy-amaliy san’at ko‘rgazmasi"; - "Zakovat" intellektual o'yini; - eng sara milliy filmlar namoyishi; - turli sport musobaqalari va boshqa ma'naviy-ma'rifiy ruhdagi tadbirlar tashkil etiladi. Festival doirasida tumanimizdagi Tepaqul, Ulus, Nurbuloq, Arabota mahallalarida bo'lib o'tadigan konsert dasturlarida el ardog'idagi xonandalar, estradamiz yulduzlari o'zlarining ijodiy chiqishlari bilan sizlarni xushnud etadi! Barchangizni “Biz bir bo‘lsak – yagona xalqmiz, birlashsak – Vatanmiz!” shiori ostidagi Ma'naviyat festivalida faol ishtirok etishga chorlab qolamiz!