Siz borsizki, mehnatimiz topgay sharaf,
Siz borsizki, turfa kasblar himoyada.
Kim bo‘lmaylik suyanchiqsiz, siz biz taraf,
Siz borsizki, baraka bor sarmoyada!

Mehnatimiz ulug‘langay, qadr topgay,
Himmat birla, dilga g‘urur soluvchisiz.
Kim nogohon mehnatidan jabr topgay,
Haq so‘z birla yonimizni olguvchisiz!

Biz shifokor, biz muallim, biz quruvchi,
Kim bo‘lmaylik, suyangaymiz ahdingizga.
Barcha kasblar zahmatini teng ko‘ruvchi,
Ko‘z tegmasin shijoatli shahdingizga!

E’tiborning zanjirlari hech uzilmas,
Yuragimga ishonch solgay, faxr solgay.
Himoyangiz himmatidan bir o‘zim-mas,
Ota-onam, farzandlarim bahra olgay!

Bu she’rimning har misrasi dil nidoyi,
Siz bor, shahdam kasbdoshlarim odimlari.
Bayramingiz qutlug‘ bo‘lsin, chin fidoiy,
Siz, Kasaba uyushmasin xodimlari!

O‘lmasbek Samarqandiy.