Ўзбекистон Республикаси Олий Мажлиси Қонунчилик палатаси ҳузуридаги “Ёшлар парламенти”нинг Нуробод туманидан сайланган аъзоси Эркин Пардаев тумандаги энг чекка ҳудудлардан бири “Лолазор” маҳалласидаги 50-мактаб юқори синф ўқувчилари билан учрашди.
Учрашувда ёшларнинг олдига қўйган мақсадлари, қайси соҳага қизиқиши ҳамда келажакда қайси касб эгаси бўлишга интилаётганлиги тўғрисида суҳбатлашилди.
- Инсонларни ўз олдиларига қўйган мақсадларига қараб билиш мумкин. Сизлар ҳам бугундан, ҳозирдан ўз олдингизга улкан мақсадларни қўйинг. Олдингизга қўйган мақсадингизга эришиш учун эса тинмай ўқиб изланинг. Ҳаётнинг маъноси ҳам орзу-мақсадлар сари интилишдан иборат, – деди “Ёшлар парламенти” аъзоси.
Учрашув сўнгида ёшларга илмий ва бадиий адабиётлар совға қилинди.