insurez
01-04-2025 13:09

Yosh kitobxon qizimizning muvaffaqiyati e'tirof etildi


Muhtaram Yurtboshimiz tomonidan yoshlarga, ularning mukammal ta'lim-tarbiya olib, yuksak natijalarga erishishlari uchun keng imkoniyat va qulayliklar yaratib berilmoqda.

Ushbu imkoniyatlardan unumli foydalanayotgan yoshlar esa fan, ta'lim, san'at va sport sohalarida ulkan yutuq va marralarni zabt etib kelishmoqda.

Ana shunday iqtidorli yoshlardan biri Nurobod farzandi, 16 yoshli Mohinur Muxtorovadir.

Mohinur yurtimizning eng zukko va bilimdon kitobxonlarini o'zida jamlagan "Yosh kitobxon" tanlovining Respublika bosqichida munosib ishtirok etib, faxrli 3-o'rinni qo'lga kiritganligi to'g'risida avval ham xabar bergan edik. (https://t.me/nur_press/37754)

Samarqand viloyati Yoshlar ishlari agentligi tomonidan yosh kitobxon qizimizning erishgan ushbu yuksak natijasi munosib e'tirof etilib, Mohinur va uning onasiga  tashakkurnoma hamda esdalik sovg'alari topshirildi.

Mohinur musobaqadagi hayajonli onlarni yodga olar ekan, ushbu natijaga erishishiga yaqindan yordam bergan ota-onasi, mehribon ustozlari va unga ishongan, qo'llab-quvvatlab turgan barcha tumandoshlarimizga minnatdorchilik bildirdi.
 

Teglar
- -