Yangi yil bayrami munosabati bilan Nurobod tumanidagi barcha davlat maktabgacha ta’lim tashkilotlarida tarbiyalanuvchi bolajonlar uchun bayramona tadbirlar tashkil etilmoqda. 

Bayram dasturlari doirasida Yangi yil qahramonlari — Qorbobo, Qorqiz hamda turli ertak qahramonlarining sahna ko‘rinishlari namoyish etilib, bolajonlarga quvonch va ko‘tarinki kayfiyat ulashilmoqda.
Kuy-qo‘shiqlar, qiziqarli o‘yinlar va sahna chiqishlari orqali muassasalarda chinakam bayram muhiti yaratilmoqda.

Mazkur bayram tadbirlari bolajonlarning Yangi yil haqidagi ijobiy taassurotlarini boyitib, ularning xotirasida unutilmas va quvonchli lahzalar sifatida muhrlanmoqda.