Nurobod tumani hokimi S.Berdiqulov tumandagi ixtisoslashtirilgan maktabga tashrif buyurib, maktabdagi yangi o‘quv yiliga tayyorgarlik ishlari holati bilan tanishdi.

Tuman rahbari maktabda dars jarayonlarining to‘g‘ri va mazmunli tashkil etilishi uchun mavjud imkoniyatlar, o‘qituvchi-pedagoglarning dars davomida zamonaviy texnologiyalardan foydalanishi uchun yaratilgan sharoitlar, maktabda faoliyat yuritib boradigan o‘quv  va sport to‘garaklari holatini o‘rgandi.

Shuningdek, tuman rahbari maktab kutubxonasini kuzatdi va ushbu bilim maskanini o‘zbek va jahon adabiyotining eng sara durdonalari bilan yanada kengroq boyitish bo‘yicha mas’ullarga topshiriqlar berdi.

Shuningdek, aniqlangan kamchiliklarning bartaraf etilishi, yangi o‘quv yilini munosib kutib olish va o‘quvchilarning yanada sifatli ta’lim olishini ta’minlash maktab direktori va boshqa tegishli mas’ullar zimmasiga yuklatilib, tegishli chora-tadbirlar belgilandi.