Bugun Nurobod tumani hokimi M.Buranov tumanning Sarikul mahallasida bo‘lib, hududni ijtimoiy-iqtisodiy rivojlantirish istiqbollari yuzasidan o‘rganishlar olib bordi.​

Dastlab mahalla yettiligi faoliyati bilan tanishildi. Faollar tomonidan aholi murojaatlarini tinglash, muammolarni o‘z vaqtida ijobiy hal etish, fuqarolar bandligini ta'minlash, yoshlar va xotin-qizlarning jamiyat hayotidagi faolligini oshirish yo‘lida olib borilayotgan ishlar batafsil sarhisob qilindi.​

Shuningdek, tuman rahbari fuqarolar xonadonlarida bo‘lib, mahalla aholisining tomorqalaridan nechog‘li unumli foydalanayotganligi, ularga kerakli sabzavot va ozuqabop ekinlar ekilish holati hamda fuqarolarning parrandachilik sohasidagi faoliyati bilan tanishdi.​

Yakunda hududni ijtimoiy-iqtisodiy jihatdan yanada rivojlantirish, tadbirkorlik uchun keng imkoniyatlar yaratish, ko‘plab yangi ish o‘rinlari ochish, tomorqadan unumli foydalanishni yo‘lga qo‘yish, obodonlashtirish va ko‘kalamzorlashtirish ishlari ko‘lamini oshirish yuzasidan tegishli chora-tadbirlar belgilandi.​