O‘zLiDeP fraksiyasi a’zolaridan iborat ishchi guruh Nurobod tumani Sazag‘on mahallasida qurilayotgan, umumiy quvvati 1000 MVt bo‘lgan 2 ta “Sazag‘on-1” va “Sazag‘on-2” quyosh elektr stansiyasi loyihasi bilan tanishdi.

Loyihaning umumiy qiymati 1,8 mlrd AQSH dollarini tashkil etib, investitsiya Saudiya Arabistonining “ACWA Power” kompaniyasi tomonidan kiritilgan. Qurilish ishlarini Hindistonning “Larsen & Toubro” va mahalliy pudratchilar tomonidan amalga oshirilmoqda.

Loyihaning dastlabki quvvati 2026-yil, to‘liq ishga tushirilishi esa 2027-yil 4-choragida rejalashtirilgan.

Natijada yiliga 2340 mln kVt-soat “yashil” energiya ishlab chiqariladi. Bu esa 975 ming xonadonni elektr bilan ta’minlashga, 709 mln kub metr gazni tejashga va 983 ming tonna zararli chiqindilarni kamaytirishga xizmat qiladi.