Yurtimizda yosh avlodni jismonan sogʻlom va barkamol etib tarbiyalash, ularni buyuk ajdodlarimizning boy ijodiy merosiga bo'lgan qiziqishlarini oshirish maqsadida turli sport musobaqalari va ma'rifiy tadbirlar o'tkazib kelinmoqda.

Bugun Mudofaa vazirligi, Markaziy harbiy okrug tashabbusi bilan Nurobod tumani 1-sektor hududidagi otaliqqa olingan yoshlar o'rtasida "Qo'mondon kubogi" harbiylashtirilgan sport musobaqasi bo'lib o'tdi.

Musobaqada 14 ta jamoa ishtirok etib, ular “Mohir mergan”, “Harbiylashtirilgan estafeta”, “Jabrlanuvchiga tibbiy yordam ko‘rsatish”, “Sahnalashtirilgan badiiy chiqish” hamda “Jadidlar bilimdoni” kabi shartlar bo‘yicha o'zaro bellashishdi.

Qizg'in va murosasiz ruhda o'tgan musobaqa yakunida faxrli 1-o'rinni 2-umumta'lim maktabi, faxrli 2-o'rinni 10-umumta'lim maktabi, faxrli 3-o'rinni 1-umumta'lim maktabi o'quvchi yoshlari egallab, tashkilotchilarning diplom va qimmatbaho esdalik sovg'alari bilan taqdirlanishdi.