Bugun Nurobod tumanida tuman "Inson" ijtimoiy xizmatlar markazi rahbari N.Jaloliddinov, viloyat va tuman mas'ullari hamda keng jamoatchilik vakillari ishtirokida "Elga xizmat – oliy maqsad" mavzusida kouching bo'lib o'tdi.

Kouching ishtirokchilari "Inson" ijtimoiy xizmat markazlari tomonidan ko'rsatiladigan xizmatlar turlari, "Saxovat va ko'mak" jamg'armasidan ko'rsatiladigan yordamlar, sihatgohlarga yo'llanma berish tartibi, yolgʻiz keksalar va nogironligi bo'lgan shaxslar bilan ishlash, ijtimoiy nafaqalar kabi yo'nalishlarda batafsil ma'lumotlar olish imkoniga ega bo'lishdi.

Turli interaktiv o'yinlar, qiziqarli trening va savol-javoblar bilan davom etgan kouching davomida ishtirokchilarning ijtimoiy sohadagi bilimlari sinovdan o'tkazilib, ularning soha rivojiga oid taklif va mulohazalari tinglandi.