Nurobod tumani hokimligida “Nurobodtumangaz” gaz ta'minoti bo'limi boshlig‘i N.Nosirov va soha vakillari ishtirokida tabiiy gazni isrof qilmasdan foydalanish borasida ko'rilayotgan chora-tadbirlar to'g'risida matbuot anjumani bo'lib o'tdi.

Tumanda 6661 ta aholi iste’molchilari va 124 ta ulgurji iste’molchilar tabiiy gazdan foydalanmoqda. 

2025-2026-yillar kuz-qish mavsumini betalafot o'tkazish maqsadida,
-110 km uzunlikdagi yer osti gaz quvurlari maxsus pribor usulida tekshirilib, kamchiliklar bartaraf etildi;

-57 km gaz quvurlari havo bosimi yordamida zichlikka sinaldi va havo bosimi ostida tozalandi;

-15 km gaz quvuri to'g'rilanib, buyoqlash ishlari amalga oshirildi.

-20 dona yuqori va o'rta bosimli gaz boshqaruv armaturalari ta’mirlandi.

Anjuman yakunida ishtirokchilar tomonidan yo‘llangan savollarga batafsil javoblar berildi.