Bugun Nurobod tumanida qishloq xo'jaligi xodimlari kuni keng nishonlandi.

Bayram tadbirida tuman hokimi S.Berdiqulov, qishloq xo'jaligi sohasi fidoyilari, ilg'or fermer va dehqonlar, chorvadorlar, suvchi-irrigatorlar, veterinariya xodimlari, olim va agronomlar hamda keng jamoatchilik vakillari ishtirok etishdi.

Tuman rahbari qishloq xo'jaligi xodimlarini kasb bayrami bilan qutlar ekan, ularning yil davomida olib borgan mas'uliyatli va mashaqqatli mehnat faoliyati, fidokorona xizmatlarini alohida e'tirof etdi.

Tadbir davomida soha rivojiga munosib hissa qo'shib kelayotgan bir guruh fidoyilar tuman hokimligining qimmatbaho esdalik sovg‘alari va tashakkurnomalari bilan taqdirlandi.

Xushovoz xonandalar tomonidan ijro etilgan kuy-qo‘shiqlar tadbirga o'zgacha fayz, bayram ishtirokchilariga esa zavq-shavq hamda ko‘tarinki kayfiyat ulashdi.