1-aprel kuni Nurobod tumanida "Korrupsiyaga qarshi kurash oyligi" doirasida tahliliy yig‘ilish o‘tkazildi.
 

Yig‘ilishda tuman Kengashi deputati S.Zoirova, “Ulus ota” jome masjidi imomi A.Tulanov, “Adolat” SDP tuman Kengashi raisi O.Tojiyev hamda Xalqobod va Ulus mahallalari aholisidan 36 kishi ishtirok etdi.
 

Tadbirda korrupsiyaning salbiy oqibatlari, uning jamiyat uchun naqadar xavfli illat ekanligi va korrupsiyani oldini olish usullari to'g'risida so'z bordi.
 

Mamlakatimizda adolatli jamiyatni shakllantirish, korrupsiyaga qarshi kurashish va fuqarolarni ushbu jarayonda faol ishtirok etishga chaqirishga qaratilgan tadbir davomida aholining bu boradagi fikr va takliflari tinglandi hamda korrupsiyaga qarshi kurash yo‘nalishida qilinadigan ishlar yuzasidan tegishli chora-tadbirlar belgilab olindi.
 

Gavhar Isayeva,
Xalq deputatlari Nurobod tuman Kengashi deputati.