Bugun Nurobod tumanidagi barcha umumta’lim maktablarida yangi o‘quv yilining “Birinchi qo‘ng‘iroq” tadbirlari bo‘lib o‘tdi. Ushbu tadbirlar “Vatan uchun, millat uchun, xalq uchun!” degan ezgu g‘oya ostida o‘tkazildi.

Nurobod tumanidagi 33-son umumiy o‘rta ta’lim maktabida o‘tkazilgan “Birinchi qo‘ng‘iroq” tadbirida tuman hokimi M.Buranov qatnashib, o‘quvchilarni yangi o‘quv yili bilan tabrikladi. Shuningdek, ustoz-murabbiylar va ota-onalarga ham minnatdorchilik bildirib, yoshlarga bilim va tarbiya berish borasidagi mas’uliyatli faoliyatlarida muvaffaqiyatlar tiladi.

Bayramona ruhda tashkil etilgan tadbirlarda 1-sinf o‘quvchilari uchun Prezidentimiz sovg‘alari – maktab sumkasi, o‘quv qurollari va darsliklar majmuasi topshirildi.

Tuman rahbari “Mustaqillik darsi”da o‘quvchilarga mamlakatimizda amalga oshirilayotgan bunyodkorlik ishlari haqida so‘zlab berib, yangi o‘quv yilida o‘qishlariga ulkan muvaffaqiyatlar tiladi.