Nurobod tumani Oqsoy mahallasida o'tkazilayotgan do'stlik tadbirlari doirasida yana bir ezgu ishga qo'l urildi.

Samarqand viloyati hokimligi, Nuroniylar jamg'armasi viloyat kengashi, viloyat mahallalar uyushmasi, tuman hokimligi, tumandagi faol nuroniylar, o'zga millat vakillari hamda keng jamoatchilik ishtirokida mahalla hududida "Do'stlik bog'i" tashkil etildi.

Millatlararo do'stlik va totuvlik, hamkorlikning o'ziga xos timsoli bo'lgan ushbu bog' tumanimiz ko'rkiga ko'rk qo'shib, qardosh millatlar o'rtasidagi hamjihatlikni mustahkamlashga xizmat qilishi, shubhasiz.