Bugun Nurobod tumani hokimi M.Buranov "Navoiyuran" davlat korxonasi hududida joylashgan ishlab chiqarish maydonlari va uran qazib olish jarayonlari bilan yaqindan tanishdi.

Tuman rahbari korxonaning plastik quvurlar va boshqa mahsulotlar ishlab chiqarish sexida amalga oshirilayotgan ishlar, zamonaviy uskunalar yordamida turli o‘lchamdagi quvurlar va plastmassa mahsulotlari ishlab chiqarilayotganligini ko'zdan kechirdi.

Shuningdek, uran qazib olish maydonlari faoliyati bilan ham yaqindan tanishib, amalga oshirilayotgan konchilik ishlari, ekologik xavfsizlik choralari va ishchilarning mehnat sharoitlari muhokama qilindi.

Korxona rahbariyati tomonidan kelgusida ishlab chiqarishni kengaytirish va modernizatsiya qilish bo‘yicha rejalashtirilgan loyihalar haqida ham batafsil ma’lumotlar berildi.

Tuman hokimi korxona jamoasi tomonidan amalga oshirilayotgan ishlarni yuqori baholab, mahalliy sanoatni rivojlantirish, eksport hajmini oshirish va yangi texnologiyalarni tatbiq etish yo‘lida qilinayotgan sa’y-harakatlarni qo‘llab-quvvatlashini ta’kidladi.