Gala-konsert va mushakbozlik kechasiga marhamat!

Ertaga, 26-oktabr kuni soat 17:00 dan boshlab, Nurobod tumani markazidagi "Mehnat" o'yingohida Janubiy Kon boshqarmasi va "Sobirsoy" geotexnologik konining 60 yillik yubileyi tantanalari bo'lib o'tadi.

Bayram tadbirlari doirasida gala-konsert dasturi va katta mushakbozlik namoyishi o'tkaziladi.

Konsert dasturi davomida sizlarni el ardog'idagi san'atkor, "Shuhrat" medali sohibi Bunyodbek Saidov, mashhur "Qahqaha" guruhi qiziqchilari hamda estradamiz yulduzlari o'z ijodiy chiqishlari bilan xushnud etadi.

Gala-konsert dasturidan so'ng bo'lib o'tadigan mushakbozlik namoyishi Nurobod osmonini rang-barang yog'dular ila bezaydi.

Barchangizni bayram shodiyonalarida kutib qolamiz, aziz Nurobodliklar!

Gala-konsert va mushakbozlik dasturlari barcha uchun mutlaqo bepul!