Bugun Nurobod tumani Oqsoy mahallasida millatlaro totuvlik va bag‘rikenglikni ta’minlash, o‘zaro do‘stlik muhitini yaxshilash kabi ulug'vor maqsadlar yo'lida madaniy-maʼrifiy tadbirlar o'tkazildi.

Tadbirlar doirasida milliy o‘yinlar, sport musobaqalari, mahalliy san’at va hunarmandchilik buyumlari ko‘rgazmalari, “Adabiy ko‘prik” kompozitsiyasi asosida kitoblar ko‘rgazmasi, millatlararo do‘stlik va hamjihatlikni mustahkamlashga qaratilgan rassomchilik tanlovlari o‘tkazildi.

“Hayit oshi - tinchlik, do‘stlik va bag‘rikenglik oshi” shiori ostida tadbir ishtirokchilari, mahalla aholisi uchun ehson tadbirlari o‘tkazildi.

Shuningdek, turli millat vakillarining folklor-etnografik ansambllari, tuman Madaniyat bo'limi, Nurobod madaniyat saroyi, 18-son bolalar musiqa va sanʼat maktabining xushovoz xonandalari va raqs ansamllari tomonidan ijro etilgan kuy va raqslar tadbir ishtirokchilari va mehmonlarga yuqori kayfiyat va xursandchilik ulashdi.

“Navro‘z uchun 10 000 tabassum” xayriya aksiyasi o'tkazilib, mahalladagi bemorlar, keksa avlod vakillari, nogironligi bor fuqarolar va ehtiyojmand oilalar holidan xabar olinib, mehr-muruvvat va ezgulik tadbirlari tashkil etildi.