Joriy yilda Nurobod tumani bo'ylab jami 600 gektar yer maydoniga paxta ekish rejalashtirilgan bo'lib, shundan 197 gektariga xorijiy navdagi, 403 gektariga mahalliy navdagi paxta turlari ekilishi belgilangan.

Shu kunga qadar tumandagi paxta ekiladigan jamiki dala maydonlariga ishlov berilib, ekish mavsumiga to'liq tayyor holatga keltirildi.

Bugun tuman hokimi M.Buranov chigit ekish ishlariga tayyorgarlik holati bilan yaqindan tanishdi.

Paxta hosili yetishtiruvchi fermerlarga joriy yilgi mavsumni munosib o'tkazib, yuqori hosildorlikka erishish bo'yicha kerakli tavsiyalar berildi.

Shundan so'ng, ilk chigitlar yerga qadaldi va tumanda paxta ekish mavsumi boshlandi.