Bayramingiz muborak, mard va jasur Vatan himoyachilari!

Bugun mamlakatimizda Oʻzbekiston Respublikasi Qurolli Kuchlari tashkil topganligining 33 yilligi hamda 14-yanvar – Vatan himoyachilari kuni keng nishonlanmoqda.

Bugungi tinch va osoyishta kunlarimiz sababchilari, sarhadlarimiz himoyachilari, yurt ravnaqi yo'lida turli sohalarda xizmat qilib kelayotgan barcha vatanimiz himoyachilarini bugungi bayram bilan chin qalbdan samimiy muborakbod etaman!

Bugun aynan sizlarning mardonavor va sharafli xizmatlaringiz tufayli tinchligimiz mustahkam, hayotimiz osoyishta,  sarhadlarimiz daxlsizdir.

Ushbu qutlug‘ ayyomda  osuda tonglarimiz, dorilamon kunlarimiz, farovon hayotimiz, erishgan barcha yutuq va muvaffaqiyatlarimizning tom ma'nodagi sababchisi bo'lgan siz jasur va mard o'g'lonlarga eng ezgu tilaklarimni bildiraman.

Barchangizga sihat-salomatlik, oilaviy baxt, Vatan himoyasi yo'lidagi yuksak mas’uliyatli va sharafli faoliyatlaringizda kuch-g'ayrat, shijoat hamda el-yurtimizning yuksak mehri va ishonchi hamrohligini tilayman.

Yana bir bor bayramingiz muborak boʻlsin, aziz Vatan himoyachilari!

Sirojiddin Berdiqulov,
Nurobod tumani hokimi