Nurobod tumani 13-umumta'lim maktabida O‘zbekiston Respublikasi Qurolli Kuchlari Kichik mutaxassislar tayyorlash markazi va CHOTQMBYU hamkorligida "Qahramonlar nomi barhayot" shiori ostida davra suhbati va sport musobaqalari o‘tkazildi.

Tadbirda Uzun va Sariosiyo tumanlaridagi terrorchi to'dalarga qarshi jangovar harakatlarda mardlarcha halok bo'lgan katta leytenant I.Xodjayevning qahramonligi yodga olindi hamda maktab hovlisidagi uning byusti poyiga harbiy xizmatchilar va o‘quvchi yoshlar tomonidan guldastalar qo‘yilib, hurmat bajo keltirildi.

Shuningdek, davra suhbatida so‘z olganlar tomonidan o'quvchilarga bugungi kunda yoshlar uchun  yaratilayotgan keng imkoniyatlar, ularni vatanparvarlik ruhida, sadoqatli va barkamol avlod bo'lib kamol topishi yo'lida amalga oshirilayotgan islohotlar va yurtimizdagi Oliy harbiy bilim yurtlari to‘g‘risida batafsil ma'lumotlar berildi.

Yakunda o'quvchilar o'rtasida turli sport musobaqalari o'tkazilib, g'olib va sovrindorlarga diplom va medallar topshirildi.