Bugun Nurobod tumanining Olg'a va Nurbuloq mahallalarida “Jaholatga qarshi – ma’rifat” targ'ibot tadbiri va boshqa qator madaniy-ko'ngilochar tadbirlar bo'lib o'tdi.

Respublika Ma’naviyat va ma’rifat markazi Nurobod tuman bo‘linmasi va Nurobod tumani yoshlar ishlari bo'limi hamkorligida tashkil etilgan tadbirdan ko'zlangan asosiy maqsad yoshlarni ma'nan barkamol, turli yot g'oya va illatlardan, jinoyatchilikdan holi etib tarbiyalash bo'lib, tadbirda so'z olganlar ham bu masalaga batafsil to'xtalib o'tishdi.

Shuningdek, Olg'a mahallasida o'tkazilgan madaniy-ko'ngilochar tadbirlar davomida tuman madaniyat bo'limining xushovoz xonandalarining ijodiy chiqishlari namoyish etilib, tadbir ishtirokchilariga yuqori kayfiyat va xursandchilik ulashildi.