08-01-2025 17:19
Nurobod yoshlari "Besh tashabbus olimpiadasi" sport musobaqalarining Respublika final bosqichida 4 ta, viloyat bosqichida 17 ta medallarni qo'lga kiritishdi
Nurobod yoshlari "Besh tashabbus olimpiadasi" sport musobaqalarining Respublika final bosqichida 4 ta, viloyat bosqichida 17 ta medallarni qo'lga kiritishdi
O‘zbekiston Respublikasi Prezidentining 2022-yil 11-apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to‘g‘risida”gi PQ-201-sonli qarori ijrosini ta’minlash maqsadida yurtimizda har yili keng miqyosda “Besh tashabbus olimpiadasi” doirasida sport musobaqalari o‘tkazib kelinmoqda.
Xususan, Nurobod tumani yoshlari ham ushbu musobaqalarda faol ishtirok etib, g‘olib va sovrindorlar safidan joy olib kelishmoqda.
2024-yilda tumanda yoshlar soni 70552 nafar (shundan 31748 nafari ayollar) bo‘lib, “Besh tashabbus olimpiadasi” doirasida 34909 nafar (16240 nafari ayollar) mahalla yoshlari ommaviy sport musobaqalari va tanlovlarda ishtirok etish uchun platformadan ro‘yxatdan o‘tkazildi.
Tuman yoshlari sport musobaqalarning viloyat bosqichida jami 17 ta medallarni qo‘lga kiritib (3 ta oltin, 7 ta kumush, 7 ta bronza), Respublika final bosqichi yo‘llanmalariga sazovor bo‘lishdi.
Besh tashabbus olimpiadasi sport musobaqalarining Respublika bosqichi 2024-yilning iyun va noyabr oylarida o‘tkazilib, unda Nurobod tumani jamoasi 4 ta medalni qo‘lga kiritishdi.
Jumladan, sportning para yengil atletika turidan A.Safarov faxrli 1-o‘rinni egallab, musobaqa mutlaq g‘olibligini qo‘lga kiritgan bo‘lsa, kurash bo‘yicha 18-30-yoshlilar o‘rtasida “O‘rtabo‘z” MFY a’zosi O.Amonov -73 kg vazn toifasida faxrli 3-o‘rinni, stol tennisidan 16 – 21 yosh toifasida “Saroy” MFY a’zosi J.Sobirjonov faxrli 3-o‘rinni, yengil atletika turidan 27 – 30 yosh toifasida “Tepaqul” MFY qizlar jamoasi faxrli 3-o‘rinni egallagan holda turnir shohsupasidan joy olishdi.
Ushbu natijalar tufayli Nurobod yoshlari Respublika bosqichida qo‘lga kiritilgan medallar qiymati bo‘yicha Samarqand viloyati yoshlari orasida faxrli 3-o‘rinni qayd etishdi.
Tumanimiz yoshlari “Besh tashabbus olimpiadasi” ning joriy yilgi mavsumida bundanda yuqori natijalarni qayd etib, tumanimiz sharafini munosib himoya qilishlariga tilakdoshmiz!
