Bugun erta tongdan Nurobod tumanida avtomobil qatnovi keng tus olgunga qadar tuman yo'l harakati xavfsizligi bo'limi va tuman obodonlashtirish boshqarmasi xodimlari tomonidan aholi xavfsizligini ta’minlash, yo‘l-transport hodisalarining oldini olish hamda piyodalar harakatini tartibga solish maqsadida piyodalar o‘tish joylari – “Zebra” yo‘l yotiq chiziqlari yangilandi.

Aholi gavjum harakatlanadigan hududlar, ta’lim muassasalari yaqinidagi kesishmalar, bozor va ijtimoiy obyektlar atrofidagi piyodalar o‘tish joylarida maxsus yo‘l chiziqlari qayta bo‘yaldi.

Bu kabi chora-tadbirlar piyodalar ishtirokida sodir bo‘lishi mumkin bo‘lgan yo‘l-transport hodisalarining oldini olishga xizmat qiladi.

Nurobod tuman hokimligi va mas'ul tashkilotlar bu boradagi ishlarni tizimli ravishda davom ettirib, tumandagi boshqa muhim yo‘l kesishmalarida ham yo‘l belgilarini yangilashni rejalashtirmoqda.