Samarqand viloyati Investitsiyalar, sanoat va savdo boshqarmasi boshlig‘ining birinchi o‘rinbosari Sheroz Sabirov Xitoy Xalq Respublikasining “Xinjiang Urumqi New Vision Investment Development Co., Ltd” kompaniyasi vakillari bilan uchrashuv o‘tkazdi.

Mazkur korxona tomonidan Nurobod tumanida “Nurobod texnoparki” maxsus iqtisodiy zonasi tashkil etilayotgan bo‘lib, uchrashuvda shamol elektr stansiyasi tashkil etish loyihasini amalga oshirish yuzasidan muzokaralar olib borildi.

Muzokaralar davomida:
•  loyiha uchun qulay joylashuvlarni aniqlash;
•  qurilish va texnik bosqichlarini bosqichma-bosqich rejalashtirish;
•  yer maydonlari, infratuzilma va texnik imkoniyatlar bo‘yicha dastlabki tahlillarni amalga oshirish;
•  hamkorlik doirasida hududda yangi ish o‘rinlari yaratish kabi masalalar atroflicha ko‘rib chiqildi.

Bundan tashqari, “Nurobod texnoparki” maxsus iqtisodiy zonasini amalga oshirish jarayonini jadallashtirish, xususan, texnopark uchun istiqbolli ishlab chiqarish yo‘nalishlarini aniqlash, xitoy kompaniyalari bilan texnologik kooperatsiyani kengaytirish bo‘yicha ham muhokamalar bo‘lib o‘tdi.