Bugun Nurobod tumani hokimligida mahallalarda xavfsiz muhitni yaratish va huquqbuzarliklarning barvaqt oldini olish masalalariga bag‘ishlangan muhim yig‘ilish bo‘lib o‘tdi. 

Unda tuman hokimi M.Buranov, tuman IIB boshlig‘i A.Otamuradov, viloyat va tuman prokuraturasi xodimlari, mahalla yettiligi a’zolari hamda tegishli mas’ullar ishtirok etdilar.

Yig‘ilish O‘zbekiston Respublikasi Prezidentining “ 2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini oshirish chora-tadbirlari to‘g‘risida”gi 1-sonli Qarori ijrosini muhokama qilishga bag‘ishlandi.

Tuman rahbari mahallalarda huquqbuzarliklarga qarshi kurashish, jinoyatlarning sabablarini erta aniqlash, aholining ijtimoiy holatini o‘rganish va ehtiyojmand qatlam bilan manzilli ishlash zarurligini ta'kidladi.

Xavfsiz mahalla — bu osoyishta jamiyat poydevoridir.