Samarqand shahridagi Oʻyin turlari va yengil atletika boʻyicha ixtisoslashtirilgan sport maktabida “Yangi O‘zbekiston Olimpiya cho‘qqilari” sport musobaqalarining viloyat bosqichi boʻlib oʻtdi.

Tadbirning ochilish marosimida viloyat sport boshqarmasi boshlig‘i J.Nurmanov,  viloyat yoshlar ishlari boshqarmasi boshlig‘i S.Boboyev,  O‘zbekiston Milliy Olimpiya qo‘mitasi viloyat hududiy bo‘linmasi ijrochi direktori Q.Sobirov ishtirok etdi. 

Quvonarlisi shundaki, ushbu musobaqada Nurobod tuman sport maktabi tarbiyalanuvchisi Xayrullayev Mirjahon sportning nayza uloqtirish turi bo'yicha qatnashib, viloyatda tengsiz ekanligini isbotlab, faxrli 1-o'rinni egalladi.

Sportchimiz diplom, medal va esdalik sovg‘alari bilan taqdirlandi hamda Respublika bosqichida ishtirok etish huquqini qo‘lga kiritdi.

Ushbu g'alaba Mustaqilligimizning 34 yilligiga tumanimiz uchun munosib sovg'adir!