Samarqand viloyatida bo‘lib o‘tgan “Yangi O‘zbekiston – Olimpiya cho‘qqilari” sport musobaqalarining viloyat (hududiy) bosqichida nurobodlik qizimiz sportning uzunlikka sakrash turi bo‘yicha o'z mahoratini namoyish etib, faxrli uchinchi o‘rinni qo‘lga kiritdi.

Mazkur musobaqa yoshlarning sportga bo‘lgan qiziqishini oshirish, ularning salomatligini mustahkamlash hamda iqtidorli sportchilarni saralab, xalqaro maydonlarga olib chiqish maqsadida tashkil etilgan.

Nurobod tumanidan chiqqan iqtidorli sportchimizning ushbu muvaffaqiyati tumandagi yoshlarga ibrat bo‘lishi, kelgusida yangi-yangi yutuqlar sari ilhom bag‘ishlashi shubhasiz.

G‘olibamizni chin yurakdan tabriklaymiz va unga kelgusidagi musobaqalarda yanada ulkan zafarlar tilaymiz!