Bugun Samarqand shahridagi Bog‘ibaland turizm mahallasida Mustaqillik bayramining 34 yilligi munosabati bilan Nurobod tumanining nuroniylari uchun anjir sayli tashkil etildi.

Tadbirda yoshi ulug‘ otaxon va onaxonlar ishtirok etib, yurtimizning mo‘l-ko‘l ne’matlaridan, xususan, shirin anjirlardan bahramand bo‘ldilar.

Nuroniylar mehr-oqibat, baraka va totuvlik haqida nasihatlar aytib, yurtimizning tinchligi va farovonligi yo‘lida ezgu tilaklar bildirishdi.

Bunday tadbirlar keksa avlodni e’zozlash, ularning hayotiy tajribasidan unumli foydalanish va qadrlashga xizmat qiladi.