Avval xabar berganimizdek, ayni paytda bir guruh Nurobodlik nuroniylar Samarqand shahrining tarixiy qadamjolarida bo‘lib turibdi.

Ularning navbatdagi manzili — buyuk sarkarda va davlat arbobi Amir Temur maqbarasi, mashhur Go‘ri Amir me’moriy yodgorligi bo‘ldi.

Temuriylar davridan so‘zlovchi bu ulug‘vor maskan shonli tariximizning ne-ne kunlariga guvoh bo‘lib kelmoqda. Maqbara nafaqat Amir Temur siymosining buyukligidan, balki o‘zining beqiyos me’moriy nafisligi bilan ham qadrlidir.

Ulug‘ sarkardaning “Agar bizning kuch-qudratimizga shubha qilsang, biz qurgan imoratlarga boq” degan jarangdor so‘zlari mazkur yodgorlikda yaqqol ifodasini topib, mustaqilligimiz ko‘rkiga ko‘rk qo‘shib turibdi.

Ziyorat davomida nuroniylarimiz ko‘zlaridagi bir olam quvonch va mamnuniyat bugungi yurtimizda hukm surayotgan tinchlik, osoyishtalik va mustaqillik ne’matlarining samarasidir.