O‘zbekiston Respublikasi Prezidenti tashabbusi bilan ilgari surilgan "Kambag‘allikdan farovonlik sari" dasturi doirasida yurtimizning barcha hududlarida aholining turmush sifatini oshirish, ularni sog‘lom hayot tarziga jalb etish, ayniqsa, faxriylar va nuroniylarning jismoniy faolligini rag‘batlantirish bo‘yicha keng ko‘lamli ishlar olib borilmoqda.

Shu maqsadda, “Nuroniy” jamg‘armasining Nurobod tuman bo‘limi tashabbusi bilan “G‘ayratli keksalar” shiori ostida nuroniylar o‘rtasida “Milliy kurash” sport musobaqasi o‘tkazildi. 

Tadbirda tumanning turli mahallalaridan tashrif buyurgan faxriylar o‘zaro bellashib, yoshlar bilan barobar kurash olib borishlari bilan barchaga ibrat bo‘lishdi.

Tadbir yakunida musobaqa g‘oliblari, shuningdek, faol ishtirokchilar esdalik sovg‘alari bilan taqdirlandi.