Bugun Nurobod tumanidagi maktabgacha ta’lim tashkilotlarida bolalarning sog‘lom va sifatli ovqatlanishini ta’minlash masalalariga bag'ishlangan yig‘ilish o‘tkazildi.

Tadbirda tuman hokimligi mas'ullari, maktabgacha ta’lim tashkilotlari rahbarlari va hamshiralar ishtirok etishdi. Sanitariya-epidemiologik osoyishtalik markazi tuman bo‘limi xodimlari tomonidan sog‘lom ovqatlanishning gigiyenik talablari, ovqat tayyorlash jarayonida xavfsizlik qoidalariga qat'iy amal qilish, oziq-ovqat mahsulotlarining sifatini nazorat qilish bo‘yicha batafsil tushuntirishlar berildi.

Bolalarni to‘g‘ri ovqatlantirish, sanitariya-gigiyena qoidalariga qat’iy rioya etish, oziq-ovqat mahsulotlarining sifatini muntazam tekshirib borish zarurligi ta’kidlandi.

Yig‘ilish yakunida mas’ullarga vazifalarni o‘z vaqtida bajarish, bolalar sog‘lig‘ini saqlashda yuqori mas’uliyat bilan yondashish belgilandi.