Yurtimizda yoshlar o‘rtasida kitobga bo‘lgan muhabbatni oshirish, ularda yuksak kitobxonlik madaniyatini shakllantirish maqsadida keng qamrovli ishlar amalga oshirilmoqda. 

Shu maqsadda bugun Nurobod tumanida “Besh tashabbus olimpiadasi” doirasida “Yosh kitobxon oila” tanlovining tuman bosqichi bo‘lib o‘tdi.

Tanlovda eng faol, bilimdon va kitobga mehr qo‘ygan oilalar ishtirok etib, o‘zaro bellashdilar. Oila a’zolari kitobxonlik savodxonligi, tezkor fikrlashi va bilim doirasi bilan sinovdan o‘tdilar.

Mazkur tanlov nafaqat kitobxonlikni targ‘ib qilish, balki oilaviy muhitda kitob o‘qishga bo‘lgan qiziqishni kuchaytirish, yosh avlodni kitob do‘stiga aylantirishda muhim ahamiyat kasb etadi.