Bugun Nurobod tumani Oila va xotin-qizlar bo‘limi tashabbusi bilan tumandagi xotin-qizlar o‘rtasida sog‘lom turmush tarzini keng targ‘ib qilish, ularning bo‘sh vaqtlarini mazmunli tashkil etish hamda ijtimoiy faolligini oshirish maqsadida voleybol bo‘yicha musobaqa tashkil etildi.

Tadbir avvalida ishtirokchilarga sog‘lom turmush tarzining ahamiyati, ayollarning jismoniy va aqliy salomatligini mustahkamlash, shuningdek, ularni sportga jalb etish yo‘nalishida amalga oshirilayotgan chora-tadbirlar haqida ma’lumotlar berildi.

Musobaqa jarayonida jamoalar o‘rtasida qizg‘in bellashuvlar bo‘lib o‘tdi. 

Yakuniy natijalarga ko‘ra:
1-o‘rin — Po‘latchi MFY xotin-qizlari jamoasiga nasib etdi;
2-o‘rin — Ittifoq MFY xotin-qizlari jamoasi egalladi;
3-o‘rin — Amir Temur MFY xotin-qizlari jamoasi g‘oliblar qatoridan joy oldi.

G‘olib va sovrindor jamoalar diplom hamda esdalik sovg‘alari bilan taqdirlandi.