Bugun erta tongdan Nurobod tumanida obodonlashtirish va tozalikni ta’minlash maqsadida umumxalq xayriya hashari boshlandi. Hashar doirasida tumanning barcha hududlarida obodonlashtirish ishlari amalga oshirilmoqda.

Xususan, jamoat joylari, daraxt va ko‘chatlar oqlanib, yashil hududlarga alohida e’tibor qaratilmoqda. Shuningdek, ijtimoiy soha obyektlar atrofi saranjom qilinib, kam ta’minlangan oilalar va nogironligi bo‘lgan shaxslarga yordam ko‘rsatilmoqda.

Hashar ishlarida tumandagi korxona va tashkilotlar xodimlari, mahalla faollari hamda ko‘plab fuqarolar faol ishtirok etib, hududlarni yanada fayzli va ko‘rkam qilishga o‘z hissalarini qo‘shmoqdalar.