Joylarda aholiga ko‘rsatilayotgan tibbiy xizmatlar sifatini yaxshilash, bu borada kuzatilayotgan kamchiliklarni bartaraf etish maqsadida viloyat hokimining o‘rinbosari X.To‘xtayev, viloyat sog'liqni saqlash boshqarmasi boshlig‘i S.Zayniyev, tuman hokimining o'rinbosari A.Ziyatov hamda tuman tibbiyot birlashmasi rahbar va  xodimlari ishtirokida tanqidiy-tahliliy muhokama yig‘ilishi o‘tkazildi.

Tumanda tibbiyot sohasida aniqlangan muammo va kamchiliklar, ularni bartaraf etish bo'yicha ko'rilayotgan chora-tadbirlar tanqidiy muhokama qilindi.

Yig‘ilish yakunida birlashma mas’ullariga tegishli topshiriq va ko'rsatmalar berilib, vazifalar ijrosi qat'iy nazoratga olindi.