Nurobod tumani hokimligi apparati xodimlari uchun haftaning har juma kuni an’anaviy tarzda o‘tkazib kelinayotgan “Siyosiy-ma’rifat soati”ning navbatdagi soni bo‘lib o‘tdi.

O‘quv soati davomida ishtirokchilarga dolzarb mavzular yuzasidan tahliliy hamda ma’lumotlarga boy taqdimotlar namoyish etildi.

Xususan, “O‘zbekiston va xorijdagi muhim jarayonlar dayjesti” rukni orqali mamlakatimizda va jahon miqyosida yuz berayotgan siyosiy-ijtimoiy yangiliklar muhokama qilindi.

Shuningdek, “Mahalladan gapiramiz” ruknida joylardagi ijtimoiy muammolar, ularning yechimlari va amalga oshirilayotgan ijobiy tashabbuslar yuzasidan fikr almashildi.

Bundan tashqari, “M-dayjest”, “M-sayohat” va “Gazeta sharhi” ruknlari doirasida xodimlarning bilim va dunyoqarashini kengaytirishga xizmat qiluvchi turli tahliliy materiallar taqdim etildi.