Bugun Nurobod tumanidagi “Nurobod” madaniyat saroyida O‘zbekiston Respublikasi davlat mustaqilligining 34 yilligi munosabati bilan Navoiy kon-metallurgiya kombinati bo‘linmalari ishchi-xodimlari uchun tantanali tadbir bo‘lib o‘tdi.

Unda tuman hokimi M.Buranov, “NKMK” AJ Maʼmuriy masalalar bo‘yicha direktori N.Jo‘libekov hamda Janubiy kon boshqarmasi ishchi-xodimlari va mehnat faxriylari ishtirok etishdi.

Bayram munosabati bilan fidokorona mehnati va sohani rivojlantirishga qo‘shgan yuksak hissasi uchun bir guruh xodimlar “Konchilik shuhrati” ko‘krak nishoni va faxriy yorliqlari bilan taqdirlandi.

Tantanali tadbir kombinat madaniyat muassasalari ijodiy jamoalari va xonandalarining konsert dasturi bilan davom etdi.