O‘zbekiston Respublikasi Oliy Majlisi Senati Kengashining 2025-yil 13-avgustdagi “Oliy ta’lim muassasalari bitiruvchilari bandligini ta’minlash chora-tadbirlari to‘g‘risida”gi qarori ijrosini ta’minlash maqsadida bitiruvchi yoshlar bilan uchrashuv tashkil etildi.

Tadbirda tuman hokimi o‘rinbosari Z.Sadinova, DXX tuman bo‘linmasi mas’ul xodimi J.Sultonov, Xalq deputatlari tuman Kengashi kotibiyati mudiri B.Oblanov, tegishli tashkilot rahbarlari hamda bitiruvchi yoshlar ishtirok etdilar.

Yig‘ilishda J.Sultonov yoshlarga ishga kirish jarayonida korrupsiya holatlariga yo‘l qo‘ymaslik zarurligini ta’kidladi.
Shuningdek, u ijtimoiy tarmoqlarda turli diniy-ekstremistik guruhlar tomonidan tarqatilayotgan videoroliklardan ehtiyot bo‘lish, aldovlarga uchmaslik masalalariga alohida to‘xtalib o‘tdi.

Yig‘ilishda bitiruvchi yoshlar tumandagi mavjud bo‘sh ish o‘rinlari bilan tanishtirildi, ularni ishga joylashtirish tartiblari batafsil tushuntirildi.