Nurobod tumanida yoshlarning  ommaviy sport bilan muntazam shug'ullanishlarini ta'minlash, sog'lom turmush tarzini targ'ib qilish hamda ma'naviy jihatdan yanada kamol toptirish  borasida bir qator amaliy ishlar olib borilmoqda.

Xususan, bugun tuman Yoshlar ishlari bo'limi va Sport maktabi hamkorligida tumanning olis Nurdum mahallasi yoshlari o'rtasida sportning milliy kurash va stol tennisi turlaridan musobaqalar tashkil etildi.

Shuningdek, yoshlar o'rtasida kitobxonlikni keng targ'ib qilish, ularda yuksak kitobxonlik madaniyatini shakllantirish maqsadida kitobxonlik tanlovi o'tkazilib, g'oliblar tashkilotchilarning diplom va esdalik sovg'alari bilan taqdirlandi.