Mustaqilligimizning 34 yilligi arafasida tumanimizning eng olis hududlaridan biri — tuman Tibbiyot birlashmasiga qarashli Jom hududiy bo‘limi kapital ta’mirdan chiqarilib, bugun foydalanishga topshirildi.

Tadbirda tuman hokimi M.Buranov, nuroniylar va hudud aholisi ishtirok etib, bunyodkorlik ishlarining ahamiyatini ta’kidlashdi. Tuman rahbari: “Foydalanishga topshirilayotgan ushbu bo‘lim xalqimiz salomatligi yo‘lida haqiqiy bayram tuhfasidir,” deya bayram tabrigini yo‘lladi.

Mazkur bo‘lim endilikda 3 ta mahallada istiqomat qiluvchi 12 mingdan ortiq fuqarolarga qulay, sifatli va zamonaviy sharoitlarda tibbiy xizmat ko‘rsatadi.

Yangilangan sharoitlar shifokor va hamshiralar ishini yengillashtiradi, xizmat sifati va tezkorligini oshiradi. Bu esa aholining tibbiy xizmatga bo‘lgan ishonchini yanada mustahkamlaydi.